1.
Jesu Rex admirabilis
et triumphator nobilis,
dulcedo ineffabilis,
totus desiderabilis.
2.
Mane nobiscum Domine
et nos illustra lumine,
pulsa mentis caligine,
mundum reple dulcedine.
3.
Jesu dulcedo cordium
fons vivus lumen mentium,
excedens omne gaudium
et omne desiderium.
4.
Rex virtutum Rex gloriae
Rex insignis victoriae,
Jesu largitor veniae,
honor coelestis patriae.
5.
Te coeli chorus praedicat
et tuas laudes replicat:
Jesus orbem laetificat
et nos Deo pacificat.
Testo: Pierluigi da Palestrina. Riproduzione su licenza (SECLI / accordo con l'editore).