1.
Veni Creator Spiritus
Mentes tuorum visita
Imple superna gratia
Quæ tu creasti pectora
2.
Qui diceris Paraclitus
Altissimi donum Dei
Fons vivus, Ignis, caritas
Et spiritalis unctio
3.
Tu septiformis munere
Digitus Paternæ dexteræ
Tu rite promissum Patris
Sermone ditans guttura
4.
Accende lumen sensibus
Infund'amorem cordibus
Infirma nostri corporis
Virtute firmans perpeti
5.
Hostem repellas longius
Pacemque dones protinus
Ductore sic te prævio
Vitemus omne noxium
6.
Per te sciamus da Patrem
Noscamus atque Filium
Te qu'utriusque spiritum
Credamus omni tempore
7.
Deo Patri sit gloria
Et Filio qui a mortuis
Surrexit ac Paraclito
In sæculorum Sæcula
Amen.
Tekst: Chanoine N. Couturier (alternances polyphoniques) · © Procure du Clergé. Reproductie onder licentie (SECLI / akkoord met de uitgever).